ప్రేమా నీ స్వభావమేంటి....

- లాస్య రామకృష్ణ 

ఎవ్వరినీ నొప్పించదు

ఎవ్వరినీ విసిగించదు

నీ సుఖమే నే కొరుకున్నా

నిను వీడి అందుకె వెళుతున్నా

అంటుందే కానీ యాసిడ్ దాడులు చేయదు

ఆయుధాలను చూపించి బెదరగొట్టదు 

నేనున్నాను అంటుంది ప్రేమ 

మానవత్వం గొప్పదంటుంది ప్రేమ

పసిపిల్లల నవ్వులలో 

చందమామలా చల్లని జాబిలి కురిపిస్తుంది

టేనేజీ అమ్మాయి నవ్వులలో 

నెలవంకలా కవ్విస్తుంది 

నీ మనసు ప్రేమమయం అయితే

జగమంతా ప్రేమమయం....