సండే స్పెషల్ - గోంగూర పచ్చడి

పండు మిరపకాయ - గోంగూర

కావలసినవి

పండు మిరపకాయ - 10

గోంగూర - 2 కట్టలు 

సెనగపప్పు - టీ స్పూను 

మినప్పప్పు - టీ స్పూను 

ఆవాలు - టీ స్పూను 

వెల్లుల్లి రెబ్బలు - ఆరు 

ఉల్లి తురుము - అరకప్పు 

నూనె - తగినంత 

ఉప్పు - సరిపడా 

తయారు చేసే విధానం

పండు మిరపకయల్ని శుభ్రంగా కడగాలి. తొడిమలు అలానే ఉంచి నిలువుగా చీల్చాలి. ఇప్పుడు ఓ గిన్నెలో కొద్దిగా నీళ్ళు పోసి మిరపకాయలు వేసి ఉడికించాలి.

మిరపకాయలు ఉడికిన తర్వాత వాటిని బయటకు తీసి అవే నీళ్ళల్లో గోంగూర వేసి ఉడికించాలి. 

గోంగూర ఉడికిన తర్వాత మిక్సీ లో మెత్తగా రుబ్బాలి.

బాణలిలో నునే వేసి కాగాక ఆవాలు, సెనగపప్పు, మినప్పప్పు, వెల్లులి వేసి వేయించాలి. తరువాత ఉడికించిన పండు మిరపకాయలు వేసి బాగా కలపాలి. మిరపకాయలు విరిగిపోకుండా వేయించాలి. తరువాత మెత్తగా రుబ్బిన గోంగూర వేసి బాగా కలిపి ఉప్పు వేసి మరో రెండు నిముషాలు వేగనిచ్చి పచ్చి ఉల్లిపాయముక్కలు వేసి కలిపి దించాలి. 

- లాస్య రామకృష్ణ 

సండే స్పెషల్ ఆలుగడ్డ కూర ఇన్ 4 స్టెప్స్.....

నేను చేసిన ఆలుగడ్డ కూర   

Step 1. చిన్న సైజు ఆలుగడ్డలని Cooker లో ఉడికించుకోవాలి.

Step 2. మూకుడులో పోపు(తగినంత నూనెలో పచ్చి సెనగపప్పు, మినప్పప్పు, ఆవాలు) వేయిన్చుకున్నాక అందులో తరిగి పెట్టుకున్న ఉల్లిపాయలు(3), టమాటా(1), మిర్చి(2) వేసి ఒక సారి వేయించుకోవాలి.

Step 3. ఉడికిన ఆలుగడ్డల తొక్క వలిచి ఈ మూకుడులో వీటితో పాటు ఇంకొక్క సారి లైట్ గా వేయించుకోవాలి.

Step 4. తగినంత ఉప్పు, కారం వేసుకోవాలి. 

గుత్తి వంకాయ కూర in 4 steps

నేను చేసిన గుత్తి వంకాయ కూర

1.వంకాయ కడిగి కాయ కాయ గా తరగండి. 

తరిగి పెట్టుకున్న తాజా వంకాయలు 

2.పల్లీలు, ధనియాలు, నువ్వులు, జీలకర్ర వేయించాలి.

వేయించినవి   

3.ఉల్లిపాయలు, కొత్తిమీర, ఉప్పు, మిరపకాయలు, వేయించి పెట్టుకున్న వాటితో కలిపి మిక్సీ వేసుకోండి.

తరిగిన కొత్తిమీర, ఉల్లిపాయలు 

4. మూకుడులో నూనె వేడి చేసి, వంకాయలో తయారు చేసుకున్న ముద్దని నింపి దోరగా వేయించాలి.

వేగుతున్న వంకాయలు  

5. అంతే, గుత్తి వంకాయ కూర తయార్!!!!!

గుత్తివంకాయ కూర 

- లాస్య రామకృష్ణ