'బ్లాగులోకం' లో మీ బ్లాగుని జతపరచుటకు lasyaramakrishna@gmail.com కి మెయిల్ చెయ్యండి. ధన్యవాదములు.

Sep 8, 2013

వినాయక చవితి శుభాకాంక్షలతో "జై జై గణేశా, జయములిమ్ము గణేశా"


"శుక్లాం బరధరం విష్ణుం శశివర్ణం చతుర్భుజం
ప్రసన్నవదనం ధ్యాయేత్ సర్వ విఘ్నోపశాంతయే"

భారతదేశంలోని అతి ముఖ్యమైన హిందువుల పర్వదినం "వినాయక చవితి". శివపార్వతుల కుమారుడు అయిన వినాయకుడి జన్మదినాన్ని పురస్కరించుకుని "వినాయక చవితి" ని జరుపుకుంటారు. ఈ పండుగ భాద్రపద మాసంలో శుక్ల చతుర్థిన (చందమామ వృద్ధిచెందే 4 వ రోజున) ప్రారంభమవుతుంది. ఈ పండుగని పిల్లల నుండి పెద్దల వరకు ఉత్సాహంగా జరుపుకుంటారు. మూషికవాహనుడైన గణపతిని పూజించి ఆయనకి  ఇష్టమైన ఉండ్రాళ్ళను భక్తి శ్రద్ధలతో సమర్పిస్తారు.


- లాస్య రామకృష్ణ 

  

Aug 12, 2013

ఈ మధ్య నాకు ఈ అలవాటు బాగా ఎక్కువైంది

ఇదివరకు కేవలం ఆకలి వేస్తే నే తినేదానిని. కాని ఇప్పుడు 

టైం పాస్ కి

 కోపం వస్తే


ఏమీ తోచకపోతే తినడం


 కంప్యూటర్ లో వర్క్ చేసుకుంటూ

 బాధ వేస్తే





టీవీ చూస్తూ



ఇలా నన్ను చూసిన మా శ్రీవారు, "నువ్వు ఇలాగే తింటూ ఉంటే ఇలియానాలా ఉన్న నువ్వు కాస్తా గీతా సింగ్ లా అయిపోతే నాకు చాలా కష్టం." అని నొచ్చుకుంటున్నారు.

సో అప్పటినుంచి నేను చిప్స్ లాంటివి తినడం మానేసి కేవలం పాప్ కార్న్ మాత్రమే తినడం  ప్రారంభించాను.

అన్నట్టూ, పాప్ కార్న్ లో చాలా హెల్త్ బెనిఫిట్స్ ఉన్నాయట. అవి మీ అందరితో వచ్చే టపాలో పంచుకుంటాను. మరి ఉండనా పాప్ కార్న్ తినే టైం అయింది.

-   లాస్య రామకృష్ణ 

Aug 11, 2013

"పరుపుకింద పైజమా"


నేను ఇటివలే హైదరాబాద్ కి వెళ్ళినప్పుడు నాన్నగారి దగ్గర 'పురాణం సీత' గారు రచించిన "ఇల్లాలి ముచ్చట్లు" అనే బుక్ చూసాను. అ పుస్తకం లోని రచనలు నన్నెంతగానో  ఆకర్షించాయి. నేను తిరిగి బెంగుళూరు వచ్చేటప్పుడు ఆ బుక్ నాతో పాటే తెచ్చుకున్నాను.

ఆ పుస్తకపు విశేషాలు మీతో పంచుకోవాలనిపించింది. మీకోసం ఆ పుస్తకానికి సంబందించిన కొన్ని విషయాలు.......

ఇందులోని వ్యాసాలు 1960 దశకంలో మొదలై 1990 దాకా ఆంధ్రజ్యోతి సచిత్రవారపత్రికలో వెలువడ్డాయి." ఈ వ్యాసాలలో చమత్కారం నాకు బాగా నచ్చింది. అలాంటి కోవకే చెందినా ఒక వ్యాసం "పరుపు కింద పైజమా" గురించి మీతో పంచుకుంటున్నాను.

"పరుపుకింద పైజమా"

ఒకసారి సితగారి కజిన్ లలిత అనే అమ్మాయి ఉన్నట్టుండి ఏడుస్తూ పుట్టింటికి వచ్చేస్తుంది. ఆ అమ్మాయికి ఆరో నెలో ఏడో నెలో అట.  ఏడుస్తూ సడన్ గా ఎందుకు వచ్చిందా అని అందరూ ఆశ్చర్యపోతూ ఉంటారు. ఏడ్చి ఏడ్చి కళ్ళు వాచి ఉన్నాయ్ కదా కొంత కాలం ఆగాక అసలు విషయం అడగవచ్చని ఊరుకుంటారు.

సరే కొంత సమయం ఇచ్చి విషయం తెలుసుకుందామంటే ఎంతకీ ఆ అమ్మాయి  చెప్పనే  చెప్పదు. సరే తన వంతు ప్రయత్నంగా ఆ అమ్మాయని సంతోష పెట్టటానికి రక రకాల పిండి వంటలు చేసి పెడ్తుంది సీత. ఇంకా ఆ విషయం ఈ విషయం అని తన మనసు ని ధ్యాస మరల్చడానికి ప్రయత్నిస్తుంది.కానీ ఇవ్వేవి పలితాన్ని ఇవ్వవు, అన్ని తిని కూడా ఆ అమ్మాయి దిగులుగా ఉండేది.

ఇహ ఇలా కాదని ఆ అమ్మాయని మళ్ళి గట్టిగ ప్రశ్నిస్తే ఆ అమ్మాయ్ చెప్పిన విషయం ఏంటంటే
వాళ్ళ అయన క్యాంపు ల ఉద్యోగం చేస్తుంటాడు. అలా క్యాంపు ల మీద నెల అంతా తిరిగి ఇంటికి వచ్చిన ఒక రోజు ( సీత గారు వ్యక్తీకరణ ఇక్కడ చమత్కారంగా ఉంటుంది అందుకే తను రాసిన వాక్యాలే యదాతధంగా ఇక్కడ వ్రాస్తున్నాను) పొట్టపగిలేల భోంచేసి, తమలపాకులు నములుతూ గేదె దూడ లాగ  పందిరి మంచం మీద పవళించి లేచి ఎందుకో(నల్లికుట్టింది కాబోసు) పరుపు ఎత్తగానే దానికింద ఒక పైజమా చారల చారలది కనిపించిందట. దాంతో ఆగ్రహోదగ్రుడై గుడ్డ్లెర్ర జేస్తూ "ఈ పైజమా ఎవరిదే" అని అడిగి ఫో కులట ఫో పుట్టింటికని పనిమనిషి సహయం ఇచ్చి పంపించాడు.

ఈ పరుపు కింద పైజమా మిస్టరీ ఎంతకీ అంతుబట్టదు సితగారికి.

ఒకసారి, సితగారు ఈ అమ్మాయిని డాక్టర్ దగ్గరికి చెక్ అప్ కి తెసుకెలుతుంది. పన్లోపనిగా లేడీ డాక్టర్ని "'పరుపు కింద పైజమా గురించి మీకు తెలుసా" అని అడుగుతుంది. డాక్టర్ తెల్లబోయి సితగారిని "రండి మిమ్మల్ని చెక్ అప్ చెయ్యాలి అంటుంది" అప్పుడు "మీ పరుపు కింద పైజమా ఉందా" అని డాక్టర్ ని అడుగుతుంది. లేడీ డాక్టర్ అయిన పెళ్ళికాని లేడీ యే కనుక కొంచెం సిగ్గు పడి, కొంచెం ఎర్రబడి, ఇంకా అంత వరకు రాలేదన్నట్లు నవ్వి ఒక చీటి రాసిచ్చి, " ఈ బిళ్ళలు మూడు పుటల పుచ్చుకుని, పాలు తాగి పడుకో"మని చెప్పింది.

ఇంతకి ఈ సమస్య పరిష్కరించేది సీత గారి భర్త. అతను లలితతో "మీ ఇంట్లో చాకలి పద్దు ఎవరు వేస్తారు నువ్వా మీ ఇడియట్ వేస్తాడా  అని అడగగానే ఆ అమ్మాయికి విషయం అర్ధమయిపోయింది ఒక నవ్వు నవ్వుతుంది. వెంటనే లలిత మొగుడికి ఇతను విషయం వివరించి ఉత్తరం రాస్తాడు. వెంటనే ఆ అమ్మాయి మొగుడు వచ్చి లలితను తీసుకెళతాడు.

అసలు విషయం అర్ధం కానీ సితగారు అయోమయం లో ఉండగా ఆవిడా భర్త ఇలా వివరిస్తాడు. చాకలి ఇచ్చిన వేరేవరిదో పైజమా లలిత మొగుడు నిద్రమత్తులో తీసుకుని పరుపుకింద పెట్టి తర్వాత క్యాంపు కి వెళ్ళిపోయాడు. వచ్చాక ఆ విషయం మర్చిపోయి లలిత మీద అనుమానపడ్డాడు. ఇది జరిగిన కధ అని వివరిస్తాడు.

ఇంకొక విశేషమేమిటంటే పురాణం సీత పేరుతో రచనలు చేసింది ప్రసిద్ద రచయిత పురాణం సుబ్రహ్మణ్య శర్మ. 


-లాస్య రామకృష్ణ 

మంచి రోజు

- లాస్య రామకృష్ణ


Aug 9, 2013

తెలుగు తేజం - బాడ్మింటన్ క్రీడాకారిణి సింధు

వరల్డ్ బాడ్మింటన్ ఛాంపియన్షిప్స్ లో సీనియర్లని సైతం ఆశ్చర్యానికి గురిచేసి సెమి ఫైనల్స్ కి దూసుకెళ్ళింది సింధు. తల్లిదండ్రులిద్దరూ ఒకప్పటి వాలీబాల్ ప్లేయర్స్ కావడం ఇక్కడ గమనించదగ్గ విషయం. ఈ విజయాన్ని సాధించిన మొట్టమొదటి భారతీయ మహిళ గా రికార్డు ని సాధించింది. 

మరి సింధు సెమి ఫైనల్స్ తో పాటు ఫైనల్స్ లో కూడా నెగ్గాలని కోరుకుందాం. 

సింధు నీకు మా అందరి తరపున అభినందనలు. 


- లాస్య రామకృష్ణ 

Aug 4, 2013

స్నేహమేరా జీవితం


బ్లాగ్ మిత్రులందరికీ Friendship Day శుభాకాంక్షలు 

ఒక కొవ్వొత్తి గదిలో వెలుగుని నింపుతుంది. ఒక స్నేహం జీవితంలో వెలుగుని నింపుతుంది. అంధకారం లో ఉన్నప్పుడు వెలుగుకి దారి చూపించేది, ఏమీ చెయ్యలేని నిస్సహాయ స్థితిలో ఉన్నప్పుడు తోడ్పాటనందించేది స్నేహం. అటువంటి మధురమైన స్నేహం దొరకడం కూడా ఒక అదృష్టం. అమ్మా, నాన్నా లేని వాళ్ళు అనాధలు కాదు నిజమైన స్నేహితులు లేని వాళ్ళు అనాధలు.

పూర్తి వ్యాసం కొరకు ఇక్కడ క్లిక్ చెయ్యండి

- లాస్య రామకృష్ణ 


Jul 31, 2013

మీ వ్యక్తిత్వం వల్ల కావచ్చు లేదా కొన్ని పోలికలు కలిసి ఉండటం వల్ల కావచ్చు. ఏదైనా విషయం లో మీరు ఎవరైనా సెలెబ్రిటీల తో పోల్చుకోవడం జరిగిందా?

ప్రతి మనిషికి తన గురించి ఎదుటివాళ్ళు ఏమనుకుంటున్నారో తెలుసుకోవాలని ఉంటుంది. ఇది త్రివిక్రమ్ డైలాగు. 

ప్రతి మనిషి తనని ఎవరో ఒక సెలబ్రిటీ తో తప్పక పోల్చుకుంటారు - ఇది లాస్య డైలాగు. 


ఇంకెందుకాలస్యం చెప్పేయండి మరి. 

మీ వ్యక్తిత్వం వల్ల కావచ్చు లేదా కొన్ని పోలికలు కలిసి ఉండటం వల్ల కావచ్చు. ఏదైనా విషయం లో మీరు ఎవరైనా సెలెబ్రిటీల తో పోల్చుకోవడం జరిగిందా? మరి నాతొ చెప్పరూ. 


లాస్య రామకృష్ణ 

Jul 29, 2013

"స్వర్ణ కమలం" సినిమా లో కొన్ని సన్నివేశాలు నాకు నచ్చలేదు.


కళాతపస్వి విశ్వనాధ్ గారు దర్శకత్వం వహించిన సినిమా. మానవతా విలువలు ఏమాత్రం కనిపించని సినిమాలు వస్తున్న సమయం లో తెలుగుతనాన్ని, కమ్మదనాన్ని సినిమాలో చక్కగా వడ్డించిన గొప్ప దర్శకుడు. 

కాని స్వర్ణ కమలం సినిమా లో కొన్ని సన్నివేశాలు నాకు నచ్చలేదు. అసలు ఆ సినిమానే నచ్చలేదు. 

అంధుడైన ఒక గొప్ప నాట్యకారుడికి ఇద్దరు కుమార్తెలు. పెద్ద అమ్మాయి సంగీత సరస్వతి. చిన్నమ్మాయి ఆధునిక భావాలు కలిగిన యువతి. ఈ కళలు కడుపు నింపవు అనే ఆలోచన కలిగిన అమ్మాయి. ఒక విధంగా కళల పట్ల ద్వేషం పెంచుకున్న అమ్మాయి. 

అటువంటి అమ్మాయి ని బలవంతంగా నాట్యగత్తె గా మార్చాలని వెంకటేష్ విశ్వ ప్రయత్నం చేస్తాడు. సహజంగా ప్రతిభ ఉన్నవాళ్ళని ప్రోత్సహించడం లో తప్పు లేదు. కాని, ఆ అమ్మాయి కి వద్దు బాబోయ్ అన్నా ఏదో ఒక విధంగా ఆమెను నాట్యం వైపు మరల్చాడని ప్రయత్నిస్తూ ఉంటాడు. అతని ఉద్దేశ్యం మంచిదే అయి ఉండవచ్చు, కానీ అతను డీల్ చేసిన విధానం సబబు గా లేదు. అనవసరంగా మధ్యలో భానుప్రియ తండ్రి మరణానికి కారకుడవుతాడు. 

కొన్ని కొన్ని సన్నివేశాలలో అయితే భానుప్రియని వేధించుకు తింటున్నాడు అనిపించింది. 

ఏంతో మంది పేద కళాకారులు ఎవరైనా తమని గుర్తించాలని ఎదురు చూసే వాళ్ళు ఉన్నారు. వాళ్ళని  ప్రోత్సహించినా ఒక అర్ధం ఉండేది. 



- లాస్య రామకృష్ణ 



Jul 28, 2013

"నను బ్రోవమని చెప్పవే సీతమ్మ తల్లీ" అనే మధురమైన గానం వినిపించడంతో నాకు మెలకువ వచ్చింది. లేచి చూస్తే ఎవరూ లేరు.



"నను బ్రోవమని చెప్పవే సీతమ్మ తల్లీ" అనే మధురమైన గానం వినిపించడంతో నాకు మెలకువ వచ్చింది. లేచి చూస్తే ఎవరూ లేరు. నేనింకా ఆ జ్ఞాపకాలలోంచి బయటపడలేదని రొజూ నన్ను నిద్రలేపే ఈ పాట గుర్తుచేస్తోంది. అవును మన జీవితంలో ముఖ్య పాత్ర పోషించిన వాళ్ళని ఎలా మరచిపోతాము. నా ఈ జీవితమే ఆ తల్లి దయ. ఆవిడే శాంతమ్మ.


శాంతమ్మ.... శాంతమ్మ..... నా ఈ జీవితం ఆవిడ కృపే. ఏ జన్మ రుణానుబంధమో ఇది.

పూర్తి కథ చదవడానికి ఇక్కడ క్లిక్ చెయ్యండి 


లాస్య రామకృష్ణ 

Jul 26, 2013

మా ఇంట్లో చిలకలు

మా ఇంట్లో చిలకలు ఉండేవి. వాటితో నేను స్కూల్ నుండి రాగానే టైం పాస్ చేసేదానిని. అయితే వాటితో ఎంతో సంతోషంగా ఉన్నా వాటిని బంధించాను, ఆకాశం లో స్వేచ్చగా తిరిగే వాటిని ఎగరనీయకుండా చేసాను అని ఆలోచించలేని వయసు నాది. ఇంట్లో అమ్మా నాన్నా ఎంత చెప్పినా నా మొండి తనం వల్ల వాళ్ళ మాట వినకుండా నీను చిలుకల జంట ని కొనిపించుకున్నాను. వాటిని బాల్కనీలో ఉంచేవాళ్ళం. 

వాటికి నీతు, నిమ్మి అని పేర్లు పెట్టాను. కాని అందులో ఒకటి తీసుకువచ్చిన రెండో రోజే చనిపోయింది. ఆ తరువాత ఆ పంజరం లో ఉన్న రెండోది భయపడింది. అది భయం నుండి తేరుకోవడానికి రెండు రోజులు పట్టింది. కాని త్వరగానే మాతో కలసిపోయింది. 

నేను, మా చెల్లి నీతూ తో కలిసి చక్కగా ఆడుకునేవాళ్ళం. 

కొంచెం అలవాటు అయిన తరువాత, నీతు ని ఇంట్లో పంజరం లోంచి వదిలేసేవాళ్ళం. కాని ఆశ్చర్యంగా అది పంజరం ని వెతుక్కుంటూ వెళ్ళిపోయేది. 

కొన్ని రోజుల తరువాత అది ఇంట్లో తిరగడం ప్రారంభించింది. నేను ఏదైనా తింటున్నప్పుడు అది నా పక్కగా చేరి అది కూడా తినేది. ఇడ్లీలు కూడా తినేది. 

అన్ని చిలుకలు జామ కాయలను ఇష్టం గా తింటూ ఉంటే, ఇది మాత్రం చిక్కుడుకాయలు, తోతాపురి మాంగో ఇష్టంగా తినేది. 

నా చేతి మీదకి ఎక్కించుకుంటే అది నా తల మీదకి ఎక్కి కూర్చునేది. అప్పుడు మా ఇంట్లో కెమెరా లేదు. 

కాని, ఒక రోజు నాకే అనిపించింది దాని స్వేచ్చని నేను బంధించానేమో అని. అందుకే, దానిని విడిచిపెట్టాలని అనుకున్నాను. అమ్మా, నాన్నా ఎంతో సంతోషించారు.  

దానిని వదిలేశాక నేను అది మళ్ళీ మా ఇంటికి నా కోసం వస్తుందేమో నని ఎదురుచూసాను. చిలుకల అరుపులు వినిపించినప్పుడల్లా నీతు వచ్చేసిందేమో నని అనిపించేది. అది మా ఇంట్లో ఉన్నది కొన్ని రోజులే అయినా దాంతో మాకు బాగా attachment ఉండేది. కాని దానిని పంజరం లోంచి పంపించేసినప్పుడు మాత్రం అది ఎక్కడ ఉన్నా సంతోషంగా ఉండాలని అనుకున్నాను. 

- లాస్య రామకృష్ణ 

Jul 23, 2013

వాడేసిన ప్లాస్టిక్ వాటర్ బాటిల్ తో బాంగిల్ స్టాండ్



కావాల్సిన వస్తువులు 

1. వాడేసిన ప్లాస్టిక్ వాటర్ బాటిల్ 
2. పాత క్యాలెండర్ 
3. ఇంట్లో దాచుకున్న గిఫ్ట్ వ్రాప్స్(నాకు గిఫ్ట్ వ్రాప్స్ ని దాచుకోవడం అలవాటు)

తయారు చెసే పద్దతి 

1. పాత క్యాలెండర్లో ని కొన్ని కాగితాలని తీసుకుని మూడు రోల్స్ గా చేసుకుని వాటికి గిఫ్ట్ వ్రాప్స్ ని చుట్టి సెల్లో టేప్ తో అతికించాలి 
2. ప్లాస్టిక్ బాటిల్ కి మూడు రంధ్రాలు చేసి, అందులో తయారుచేసుకోబడిన ఈ క్యాలెండర్ రోల్స్ ని అమర్చాలి 
3. ఆ తరువాత బాటిల్ ని మీకు నచ్చిన విధంగా పెయింట్ చేసుకోవచ్చు. నేను గ్లాస్ పెయింటింగ్స్ తో పెయింట్ వేసాను. 
3. బాంగిల్ స్టాండ్ రెడీ. అయితే, గాజులని మూడు వైపులా బాలన్స్ ఉందే విధంగా ఈ రోల్స్ లో అమర్చాలి 



- లాస్య రామకృష్ణ 

Jul 21, 2013

కామెడీ ఎంటర్టైనర్ ఘన్ చక్కర్


మరో ఇద్దరితో కలిసి హీరో బ్యాంకు దొంగతనానికి పాల్పడతాడు. డబ్బులు కలిగిన ఆ సూట్ కేసు ని మిగతా ఇద్దరు హీరో దగ్గర ఉంచి మూడు నెలల తరువాత పంచుకోవాలని అనుకుంటారు. ఆ తరువాత జరిగిన ఆక్సిడెంట్ తో హీరో గతాన్ని మరచిపోతాడు. 

గతం తిరిగి గుర్తుకు వచ్చిందా? ఆ సూట్ కేసుని హీరో ఎక్కడ దాచాడు. తెలుసుకోవాలంటే ఈ సినిమాని చూడాలి.

లాస్య రామకృష్ణ  


Jul 20, 2013

lasya's kitchen

ఆహారం అనేది మన జీవితంలో ముఖ్య పాత్ర పోషిస్తుంది. తినేది పంచభక్ష్య పరవాన్నాలు అయినా మామూలు భోజనం అయినా ఆస్వాదిస్తూ తింటే చక్కగా ఒంటబట్టి ఆరోగ్యంగా ఉంటాం. 

ఏదైనా సాధించాలన్నా మనం ఉసూరుమని నీరసంగా ఉంటే ఏమీ సాధించలేము. ఇంకా మనకే ఎవరో ఒకరు చాకిరీ చేయాల్సి వస్తుంది.

పూర్తి టపా కోసం ఇక్కడ క్లిక్ చెయ్యండి 

http://lasyaskitchen.blogspot.in/2013/07/blog-post_20.html


- లాస్య రామకృష్ణ 


Jul 17, 2013

ఒక వర్షపు సాయంత్రం



వర్షం లో 
ఈ సాయంత్రం 
నీతో కలిసి 
నా పయనం 
అందమైన చిత్రలేఖనం 




- లాస్య రామకృష్ణ  

Jul 15, 2013

రొమాంటిక్ లంచ్ కాస్తా టీం లంచ్ గా మారింది



సరదాగా అలా రెస్టారెంట్ కి వెళ్లి ఏదైనా తిందాం అని మా అయన నాతో చెప్పగానే ఎగిరి గెంతేసినంత పని చేసాను. వంట చెయ్యక్కర్లేదు అని నా సంతోషం. హాయిగా అలా బైక్ మీద ఒక చక్కటి రెస్టారెంట్ కి తీసుకెళ్ళారు. 

బయటి వ్యూ అందంగా కనిపించే మంచి లొకేషన్ లో ఉన్న టేబుల్ దగ్గర కూర్చున్నాం. ఆర్డర్ ఇచ్చాం. సూప్ అస్సలు బాగోలేదు. సరేలే మెయిన్ కోర్స్ అయినా బాగుంటుందేమో అని ఆశావాదం. 

ఈలోపు 25 మంది కలిగిన ఒక టీం వాళ్ళు లంచ్ కి వచ్చారు. వాళ్ళ కి కూడా బయటి వ్యూ అందంగా ఉండే ఈ ప్లేస్ నచ్చిందట. వెయిటర్ మమ్మల్ని అడగకుండానే వాళ్ళతో "వాళ్ళు ఆ టేబుల్ కి షిఫ్ట్ అయిపోతారు" అని చెప్పాడు. కనీసం మాకు చెప్తే మేము వేరే టేబుల్ కి మూవ్ అవడానికి సిద్దంగానే ఉన్నాం. 

మమ్మల్ని అడగకుండా వాళ్ళకి చెప్పడం ఇంకా అలాగే వచ్చి నేను అప్పుడే తాగి టేబుల్ మీద పెట్టిన గ్లాస్ ని వేరే టేబుల్ కి మార్చేయడం చాలా చిరాకు కనిపించింది. అంత డబ్బులు ఖర్చుపెడితే, ఫుడ్ అస్సలు బాగోలేదు. In addition to that వాళ్ళ behaviour మాకు ఇరిటేషన్ కలిగించేలాగా ఉంది. 

 డెసిషన్ వాడే తీసేసుకుని మా దగ్గరికి వచ్చి అప్పుడు "మీరు ఆ టేబుల్ కి మారండి వాళ్ళ కోసం ఈ టేబుల్ కూడా జాయిన్ చెయ్యాలి" అని చెప్పాడు.

ఇక ఈ లంచ్ చాల్లే అనిపించింది నాకు. మా ఆయనకు చిరాకు వచ్చింది. బిల్ తీసుకురండి, మేము వెళ్లిపోతాము అని చెప్తే అప్పటికే సిద్దం చేసిన ఆర్డర్ వస్తే తప్పక వడ్డించాడు. ఆ టీం వాళ్ళు కూడా వేరే ప్లేస్ లో అడ్జస్ట్ అవడానికి ఒప్పుకోవట్లేదు. 

వాళ్ళకి కావలసినన్ని టేబుల్స్ ని అరేంజ్ చేస్తే మా టేబుల్ కి దగ్గరగా వచ్చారు. నా పక్కన ఆ టీం లో ఒక అమ్మాయి కూర్చుంటే మా ఆయన పక్కన కూడా ఒక అమ్మాయి కూర్చుంది. 

నాకు చాలా కోపం వచ్చింది. ఒక వైపు తింటూ మరొక వైపు మా ఆయన ని కోపంగా చూస్తున్నాను. సో మొత్తానికి మా రొమాంటిక్ లంచ్ టీం లంచ్ అయింది. 

- లాస్య రామకృష్ణ 

Jul 10, 2013

'బ్లాగులోకం' లోగో

'బ్లాగులోకం' లోగో ని మీ బ్లాగులో జతపరచుటకు దయచేసి ఈ లింక్ లో తెలియచేయబడిన కోడ్ ని మీ బ్లాగు లో జతపరచండి. 

మీ సహకారానికి ధన్యవాదములు 

లాస్య రామకృష్ణ 

Jun 28, 2013

మనం చిన్నప్పుడు విన్న జానపద కథలని గుర్తుకు చేస్తుంది ఈ చిత్ర కథ.


మనం చిన్నప్పుడు విన్న జానపద కథలని గుర్తుకు చేస్తుంది ఈ చిత్ర కథ. తప్పక చూడాల్సిన చిత్రం. వాల్ట్ డిస్నీ ఎనిమేషన్స్ ఆశ్చర్యం కలిగించేంత అందంగా ఉంటాయి. అవి కేవలం బొమ్మలని అంటే నమ్మశక్యం కాదు. ప్రతి పాత్రలో జీవం ఉట్టిపడుతుంది. 

చిత్ర కథ క్లుప్తంగారాజ వంశానికి చెందిన అమ్మాయిని ఒక మంత్ర గత్తె అపహరించుకుని వెళ్లి ఎత్తైన కోటలో బంధిస్తుంది. ఆ అమ్మాయి కి ఉన్న పొడవాటి శిరోజాల అద్భుత శక్తిని ఉపయోగించుకునేందుకు ఆ మంత్ర గత్తె ఆమెను బంధిస్తుంది. బయట ప్రపంచాన్ని చూడాలనే ఉత్సాహం రోజు రోజు కి పెరగడం వల్ల అనుకోకుండా ఆ కోటలోకి ప్రవేశించిన ఒక దొంగ సహాయం తో ఆ అమ్మాయి తప్పించుకుంటుంది. 

ఆ తరువాత జరిగే పరిణామాల వల్ల తను ఎంతో మంచిదని నమ్మిన మంత్రగత్తె మోసగత్తె అని తెలుసుకుంటుంది. చివరికి తన తల్లి దండ్రుల చెంతకు చేరుతుంది. వారి అంగీకారంతో తనని మంత్రగత్తె నుండి రక్షించిన దొంగని పెళ్లి చేసుకుంటుంది. 

హైలైట్స్ - నాయికతో పాటు ఉండే కప్ప, మధ్యలో ప్రవేశించే గుర్రం పాత్ర ఇంకా ఒక దొంగల ముఠా ల వద్ద నాయకానాయికల పాట ఇంకా ఎన్నో ఈ చిత్రం లో ఆకట్టుకునే అంశాలు ఉన్నాయి. 
- లాస్య రామకృష్ణ 


Jun 27, 2013

జయభేరి

మహా కవి శ్రీ శ్రీ గారి కవిత 

జయభేరి

నేను సైతం 
ప్రపంచాగ్నికి 
సమిధనొక్కటి ఆహుతిచ్చాను! 
నేను సైతం 
విశ్వవృష్టికి 
అశ్రువొక్కటి ధారపోశాను! 
నేను సైతం 
భువనఘోషకు 
వెర్రిగొంతుక విచ్చి మ్రోశాను! 
* * * 
ఎండకాలం మండినప్పుడు 
గబ్బిలం వలె 
క్రాగిపోలేదా! 
వానకాలం ముసిరి రాగా 
నిలువు నిలువున 
నీరు కాలేదా? 
శీతకాలం కోత పెట్టగ 
కొరడు కట్టీ, 
ఆకలేసీ కేకలేశానే! 
* * * 
నే నొక్కణ్ణీ 
నిల్చిపోతే- 
చండ్రగాడ్పులు, వానమబ్బులు, మంచుసోనలు 
భూమి మీదా 
భుగ్నమవుతాయి! 
నింగినుండీ తొంగిచూసే 
రంగు రంగుల చుక్కలన్నీ 
రాలి, నెత్తురు కక్కుకుంటూ 
పేలిపోతాయి! 
పగళ్లన్నీ పగిలిపోయీ, 
నిశీథాలూ విశీర్ణిల్లీ, 
మహాప్రళయం జగం నిండా 
ప్రగల్భిస్తుంది! 
* * * 
నే నొకణ్ణి ధాత్రినిండా 
నిండిపోయీ- 
నా కుహూరుత శీకరాలే 
లోకమంతా జల్లులాడే 
ఆ ముహూర్తాలాగమిస్తాయి! 
* * * 
నేను సైతం 
ప్రపంచాబ్జపు 
తెల్లరేకై పల్లవిస్తాను! 
నేను సైతం 
విశ్వవీణకు 
తంత్రినై మూర్ఛనలు పోతాను! 
నేను సైతం 
భువన భవనపు 
బావుటానై పైకి లేస్తాను!

- సేకరణ 
లాస్య రామకృష్ణ 

Jun 26, 2013

శ్రీ శ్రీ గారి కవిత - మహా ప్రస్థానం



మహా ప్రస్థానం




మరో ప్రపంచం,
మరో ప్రపంచం,
మరో ప్రపంచం పిలిచింది!
పదండి ముందుకు,
పదండి త్రోసుకు!
పోదాం, పోదాం పైపైకి!
కదం త్రొక్కుతూ,
పదం పాడుతూ,
హ్రుదాంతరాళం గర్జిస్తూ-
పదండి పోదాం,
వినబడలేదా
మరో ప్రపంచపు జలపాతం?
దారిపొడుగునా గుండె నెత్తురులు
తర్పణచేస్తూ పదండి ముందుకు!
బాటలు నడచీ,
పేటలు కడచీ,
కోటలన్నిటిని దాటండి!
నదీ నదాలూ,
అడవులు, కొండలు,
ఎడారులా మన కడ్డంకి?
పదండి ముందుకు!
పదండి త్రోసుకు!
పోదాం, పోదాం, పైపైకి!
ఎముకులు క్రుళ్ళిన,
వయస్సు మళ్ళిన
సోమరులారా! చావండి!
నెత్తురు మండే,
శక్తులు నిండే,
సైనికులారా! రారండి!
"హరోం! హరోం హర!
హర! హర! హర! హర!
హరోం హరా!" అని కదలండి!
మరో ప్రపంచం,
మహా ప్రపంచం
ధరిత్రినిండా నిండింది!
పదండి ముందుకు,
పదండి త్రోసుకు!
ప్రభంజనంవలె హోరెత్తండీ!
భావ వేగమున ప్రసరించండీ!
వర్షుకాభ్రములన ప్రళయఘోషవలె
పెళ పెళ పెళ పెళ విరుచుకు పడండి!
పదండి,
పదండి,
పదండి ముందుకు!
కనబడలేదా మరో ప్రపంచపు
కణకణమండే త్రేతాగ్ని?
ఎగిరి, ఎగిరి, ఎగిరి పడుతున్నవి
ఎనభై లక్షల మేరువులు!
తిరిగి, తిరిగి, తిరిగి సముద్రాల్
జలప్రళయ నాట్యం చేస్తున్నవి!
సలసలక్రాగే చమురా? కాదిది
ఉష్ణరక్త కాసారం!
శివసముద్రమూ,
నయాగరావలె
ఉరకండీ! ఉరకండీ ముందుకు!
పదండి ముందుకు!
పదండి త్రోసుకు!
మరో ప్రపంచపు కంచు నగారా
విరామ మెరుగక మ్రోగింది!
త్రాచులవలెనూ,
రేచులవలనూ,
ధనంజయునిలా సాగండి!
కనబడలేదా మరో ప్రపంచపు
అగ్నికిరీటపు ధగధగలు,
ఎర్రబావుటా నిగనిగలు,
హోమజ్వాలల భుగభుగలు?

-సేకరణ 
లాస్య రామకృష్ణ 

Jun 25, 2013

సంథింగ్ సంథింగ్ మూవీ రివ్యూ (సినిమా చూడాలా వద్దా??)



నటీనటులు 

సిద్దార్థ్ నారాయణ్   -  కుమార్ 
హన్సిక మోత్వాని  -   సంజన 
బ్రహ్మానందం          -   ప్రేం జీ 
గణేష్ వెంకట్రామన్ -   జార్జ్ 
రాణా                    -   స్పెషల్ అప్పియరన్స్ 
సమంత                -   స్పెషల్ అప్పియరన్స్ 

కథేంటి 

కొన్ని చిన్ననాటి సంఘటనల వల్ల ప్రేమంటే పడని కుమార్ ఆఫీస్ లో కి కొత్తగా జాయిన్ అయిన సంజన ప్రేమలో పడతాడు. ఆల్రెడీ సంజన కోసం తన ఆఫీస్ లో పని చేసే జార్జ్ ప్రయత్నాలని ఆపాలని ప్రేం జీ సూచనల మేరకు వారి మధ్య ఎఫైర్ ఉందని గాసిప్ క్రియేట్ చేస్తాడు. అనుకోని విధంగా వారు ఆ గాసిప్ వల్లే కలిసిపోతున్నప్పుడు కుమార్ తన ప్రేమను దక్కించుకునేందుకు వేసే ఎత్తుగడలే మిగతా సినిమా. ఈ లోపు ప్రేమ్జీ కి సంజన తన మేనకోడలు అన్న విషయం తెలిసిన తరువాత కథ కొత్త మలుపు తిరుగుతుంది. 

ఎలా నటించారు ???

సమంతా లో ఇదివరకు ఉన్న గ్లో లేదు. రెండు సీన్లలో కూడా మెప్పించలేకపోయింది. హన్సిక తన అందాలతో ప్రేక్షకులను మెప్పించింది. సిద్దార్థ్ మాత్రం జబ్బు పడి రికవర్ అయిన మనిషిలా కనిపిస్తాడు. పాటలలో తన డ్రెస్సింగ్ కూడా అంతగా బాగోదు. గణేష్ వెంకట్రామన్ అందంగా కనిపించాడు. సిద్దార్థ్ కి సలహాలు ఇచ్చే పాత్రలో బ్రహ్మానందం పాత్ర ప్రేక్షకులను అలరిస్తుంది. 

సంగీతం పరవాలేదా ???

పాటల చిత్రీకరణ అందంగా ఉంది. పాటలు కూడా సాఫ్ట్ గా బాగున్నాయి. 

దర్శకత్వం ఎలా ఉంది ???

సుందర్ సి అటు తమిళ ఇటు తెలుగు ప్రేక్షకులను ఈ సినిమా ద్వారా ఆకట్టుకున్నాడు. అశ్లీల సన్నివేశాలు, భయానక సన్నివేశాలకు తావు లేకుండా కుటుంబ సమేతంగా చూసి ఆనందించే కామెడీ మూవీ ని అందించాడు. 

ఓవరాల్ గా 

క్లీన్ అండ్ లవ్లీ స్టొరీ. మస్ట్ వాచ్ మూవీ

రేటింగ్ - 4/5
- లాస్య రామకృష్ణ 









Jun 23, 2013

అనాధ పిల్లల ముందు సెలెబ్రిటీల పిల్లలతో ఇలాంటి షోస్ అవసరమా???


ఇటీవలే ఒక చానల్ లో Father's Day సందర్భంగా ఒక కార్యక్రమం ప్రసారం చేసారు. అందులో బుల్లితెరలో ప్రాచుర్యం పొందిన కొందరు నటులు వాళ్ళ పిల్లలతో కలిసి పార్టిసిపేట్ చేసారు. తండ్రీ పిల్లల అనుబంధం ఈ కార్యక్రమం ముఖ్య ఉద్దేశ్యం. 




అంతా బాగానే ఉంది. అయితే, ఈ షో ని అనాధ పిల్లలకు ఆశ్రయం కలిపించిన ఒక ప్రదేశం లో కి వెళ్లి తీసారు. చుట్టూ అనాధ పిల్లలు కుర్చుని ఉంటారు. బుల్లితెర సెలబ్రిటీ ల కి వాళ్ళ పిల్లలతో కొన్ని గేమ్స్ ఉంటాయి. ఆఖరున ఆ సెలబ్రిటీ లు వాళ్ళ పిల్లలకు ఒక కానుకని అందిస్తారు. 

కాని, నాకు నచ్చని అంశం, అమ్మా నాన్నల ప్రేమకు దూరమైన ఆ పిల్లల ముందు ఆడంభరం గా తయారయి తమ పిల్లలని ముద్దు చెయ్యడం బాగాలేదు. ఆ పసి హృదయాలు ఏమి కోల్పోయాయో వారికీ తిరిగి గుర్తు చెయ్యనవసరం లేదు. 

చేయగలిగితే వారికీ సహాయం చెయ్యండి. సహాయం చేసినంత మాత్రాన వాళ్ళ జీవితాలలోని వారు కోల్పోయిన అమూల్యమైన అమ్మా నాన్న ప్రేమ ని మీరు విమర్శించనవసరం లేదు. 

ఇటువంటి కార్యక్రమాల బదులు ఆ పిల్లలకే ఏదైనా గేమ్ షో డిజైన్ చేసి వారిలోని ప్రతిభని ప్రోత్సహిస్తే ఎంతో బాగుండేది. 


- లాస్య రామకృష్ణ 

Jun 1, 2013

May 31, 2013

ఇదిగిదిగో నా రాముడు ఈడనే కొలువుండినాడు





ఇదిగిదిగో నా రాముడు ఈడనే కొలువుండినాడు 
ముద్దుల సీతతో ఈడనే మురిపాలాడినాడు 

ఇది సీతమ్మ తల్లి ఆరేసుకున్న నారా చీరె 
ఇది రాముడు కట్టుకోనగా పులకించిన పంచె 
ఏడేడు లోకాలను ఎలేది పాదాలివే 
మాయల బంగారు లేడి మాయనీ గురుతులివే 

పచ్చగా ఐదోతనమే పదికాలాలుండగా 
సీతమ్మ వాడిన పసుపూ కుంకుమ రాళ్లివే 
దాటొద్దని లక్ష్మణుండు గీతని గీసిన చోటిదే 
అమ్మను రావణుడెత్తుకుపోయిన ఆనవాల్లివే 

ఇది ఆ రాముడు నడయాడిన పుణ్యభూమి 
మరి నా రాముడికీడ నిలువనీడ లేదిదేమి 
నిలువ నీడ లేదిదేమి 


- లాస్య రామకృష్ణ 

తేనెల తేటల మాటలతో


తేనెల తేటల మాటలతో మన దేశ మాతనే కొలిచెదమా
భావం భాగ్యం కూర్చుకొని ఇక జీవన యానం చేయుదమా

సాగరమే తల చుట్టుకొని సురగంగ చీరగా మలచుకొని
గీతా గానం పాడుకొని మన దేవి కి ఇవ్వాలి హారతులు

గాంగ జఠాధర భావనతో హిమ శైల శిఖరమే నిలబడగా
గలగల పారే నదులన్నీ ఒక బృంద గానమే చేస్తుంటే

ఎందరు వీరుల త్యాగబలం మన నేటి స్వేచ్చకే మూలబలం
వారందరిని తలచుకొని మన మానస వీధిని నిలుపుకొని


పాట కొరకు ఇక్కడ క్లిక్ చెయ్యండి 


సేకరణ 

 లాస్య రామకృష్ణ 

May 23, 2013

అనసూయ అవుట్ రష్మీ ఇన్


అనసూయ 
ఈ టీ వీ లో ప్రసారమవుతున్న "జబర్దస్త్" అనే కామెడీ షో తో ఒక్కసారిగా పాపులర్ అయిన అనసూయను ఆ ప్రోగ్రాం నుండి తొలగించారు. అనసూయ స్థానం లో రష్మీ గౌతం ప్రేక్షకులను ఆకట్టుకోవడానికి సిద్దమవుతోంది. 

యువ సీరియల్ లో నటించిన రష్మీ గౌతం, "ఎవరైనా ఎపుడైనా", "గణేష్" వంటి చిత్రాలలో సైడ్ క్యారెక్టర్ లు చేసింది. 

జీ తెలుగు లో సంగీతకి షాక్ ఇచ్చిన అనసూయ కు మల్లెమాల ఎంటర్టైన్మెంట్స్ వాళ్ళు మరొక యాంకర్ ని సెలెక్ట్ చేసుకుని అనసూయకు షాక్ ఇచ్చారు. 
రష్మీ గౌతం 

మరోవైపు అనసూయకు సినిమా ఆఫర్లు బాగానే వస్తున్నాయని వినికిడి. ఎక్కువగా ఐటెం సాంగ్స్ చెయ్యమని ఆఫర్స్ వస్తున్నాయట. 

మరి రష్మీ గౌతం అనసూయకు ఏ రేంజ్ లో పోటీ ఇస్తుందో చూడాలి.... 

- లాస్య రామకృష్ణ 



"అమృతం" మళ్ళీ వచ్చేస్తుందోచ్












- లాస్య రామకృష్ణ