'బ్లాగులోకం' లో మీ బ్లాగుని జతపరచుటకు lasyaramakrishna@gmail.com కి మెయిల్ చెయ్యండి. ధన్యవాదములు.

Jul 21, 2012

అడవిలో ఆడపిల్ల...

నాకీ మధ్య ఒక ఇంట్రెస్ట్ ఏర్పడింది. అదేంటంటే ఒక సినిమా తీద్దామని. 

అంతే, ఇంకా ఒక్క క్షణం ఆలస్యం చెయ్యకుండా నేను కథ రాసుకోవడం స్టార్ట్ చేసుకున్నాను.

ఆ కధేంటంటే....

అడవి చూడడానికి హీరోయిన్ ఒంటరిగా వెళ్తుంది. ఒంటరిగా వెళ్ళడానికి కారణం ఏమి లేదు. తెలుగు సినిమా హీరోయిన్ లక్షణం ఏంటంటే ఒంటరిగా ఎక్కడికైనా వెళ్తుంది. ఎందుకంటే, హీరోయిన్ ఇబ్బందుల్లో ఉందనగానే హీరో 
ప్రత్యక్షమవవుతాడనే ధీమా.

అలా ఒక సోలో సాంగ్ పడుకుంటుంది. ఆ పాట పల్లవి 

"అడవి అడవి అడవి   
అందమైన అడవి 
ముచ్చటైన అడవీ 
మరపురాని అడవి" అని "ఈగ పాట ట్యూన్ లో శ్రేయా ఘోషల్ గొంతులో పాడుకుంటుంది. 



కట్ చేస్తే, మన హీరో కూడా అడవి చూడ్డానికి వచ్చాడు. అక్కడ జంతువులలో జంతువులలా తిరుగుతున్న మన హీరోయిన్ ని చూసి అడవి మనిషి అనుకుంటాడు.

అలాగే, హీరో ని చూసి హీరోయిన్ కూడా అడవి మనిషని అనుకుంటుంది. 

అదేదో సినిమాలో అడవి మనిషిని మాములు మనిషిని చేసిన హీరోయిన్ ని చూసిన మన హీరోయిన్ అడవి మనిషిలా  భ్రమ పడిన హీరోని కూడా మాములు మనిషిని చేయ్యలనుకుంటుంది. 

ఇంత అందమైన అమ్మాయి అడవి మనిషిలా ఉండకూడదని మాములు మనిషిని చెయ్యాలని ఒక వైపు హీరో అనుకుంటాడు.

ఇద్దరూ ఒకరి తో ఒకరు సైగ ల భాష లో మాట్లాడుకుంటారు. అనుకోకుండా ప్రేమలో పడతారు.

ఇలా ఆకులూ అలమలూ తింటూ కలం గడుపుతున్న ఈ అడవి ప్రేమికులని విడదీయడానికి ఒక హెలికాఫ్టర్ లో హీరోయిన్ వాళ్ళ నాన్న వచ్చి హీరోయిన్ ని తీసుకెళతాడు. 

ఇక్కడ వరకే కథ రాసానండి...

ఆ  తర్వాత ట్విస్ట్ మీరు చెప్పరూ ....

- లాస్య రామకృష్ణ 








Jul 16, 2012

ఆమె ఎవరు part 2

జరిగిన కథ :-


 ఏ వార్తా లేని న్యూస్ ఛానల్ రిపోర్టర్ రోడ్డు మీద నడుచుకుంటూ వెళుతున్న ఒక మధ్యతరగతి మహిళపై ఒక సెన్సేషనల్ న్యూస్ టీవిలో టెలికాస్ట్ చేస్తాడు. 

అలాగే తన నడకలో ఏ మాత్రం వేగం లేకుండా నడుచుకుంటున్న ఆమె ఈ  సారి ఒక టీవీ సీరియల్ డైరెక్టర్ కంట పడింది. తరవాత ఎం  జరిగిందో మిరే  చదవండి.

ఇప్పటికే 1050 ఎపిసోడ్స్ పూర్తిచేసుకున్న "ఇది అంతం కాదు ఆరంభం" అనే సీరియల్ లో ఎన్ని రకాల ట్విస్ట్ లు వాడాలో ఎన్ని రకాల పాత్రలని రంగంలోకి దించాలో అన్ని రకాల ప్రయోగాలు చేసిన ఆ డైరెక్టర్ కి ఇంక  ఎలా కథని ముందుకు నడిపించాలో అర్ధం కాకుండా డీలా పడిపోయి ఉన్నాడు. అలా కొంచెం రిలాక్ష్ అవుదామని బయటికి వచ్చిన అతనికి ఇలా నడుచుకుంటూ వెళుతున్న మన "ఆమె" కనిపించింది.



ఇంతలో అతనికి మెరుపు లాంటి ఆలోచన వచ్చింది.

"హమ్మయ్య, మన సీరియల్ ముందుకు సాగేందుకు దొరికిందొక ఐడియా, శభాష్ బుచ్చిబాబు" అని తనని తనే పోగుడుకుని క్షణం ఆలస్యం చెయ్యకుండా కేమెరామాన్ తో సహా అందరిని అక్కడికే రమ్మని షూటింగ్ ని "ఆమె" కి తెలియకుండా సిక్రెట్ గా స్టార్ట్ చేసాడు. ఎందుకంటే సహజత్వం మిస్ అవకూడదని.

కెమెరామాన్ ఆమె ని క్లోజ్ అప్ లో రక రకాలుగా షూట్ చేస్తుండగా మన మాటల రచయిత మేల్కొన్నాడు.

"నేను ఎందుకు నడుస్తున్నాను. ఇంత ఎండలో ఎందుకు నడుస్తున్నాను. అసలు ఎటు వైపు నడుస్తున్నాను. 
అసలు నా పేరేమిటి. ఇక్కడికి ఎలా వచ్చాను. నేను ఎవరు. ఇంతకీ నేను ఏం  చదువుకున్నాను. నేను ఎక్కడికి వెళుతున్నాను. అసలు నా చెతిలొ ఈ కురగాయాల సంచీ ఏమిటి." ఇలా స్వగతం లో "ఆమె" మాట్లాడినట్టుగా 1051 ఎపిసోడ్ షూటింగ్ పూర్తిచేసుకుంది.


- లాస్య రామకృష్ణ