'బ్లాగులోకం' లో మీ బ్లాగుని జతపరచుటకు lasyaramakrishna@gmail.com కి మెయిల్ చెయ్యండి. ధన్యవాదములు.

Apr 28, 2012

మీకు తెలుసా

కొండల్లాంటి ఎత్తైన ప్రదేశాల్లో ఏర్పడే మంచు నెమ్మదిగా గట్టిపడి ముందుకు జరుగుతూ ఉంటుంది. ఇలా ఇవి పల్లానికి జరుగుతూ నేలను కూడా కోతకు గురి చేస్తాయి. ఇవి కరిగినప్పుడు వీటి నుంచే నదులు ఏర్పడి కిందకి ప్రవహిస్తాయి.

లక్షలాది బరువుండే ఐస్ బర్గ్ లు తేలుతూ సముద్రంలో ప్రయాణిస్తూ ఉంటాయి. ఉష్ణోగ్రతలు పెరగగానే ఇవి చిన్న ముక్కలుగా విడిపోయి సముద్రంలో కలిసిపోతాయి. ఐస్ బర్గ్ ల వాళ్ళ ఓడలకు ప్రమాదమే. 

టైటానిక్ ఓడ ఐస్ బర్గ్ ను ఢీ కొట్టే మునిగిపోయిందని తెలుసుకదా. 

ఇన్నాళ్ళు బి-15 అనే ఐస్ బర్గ్ కు అతి పెద్దదిగా రికార్డ్ ఉంది. 2001 లో ఏర్పడిన ఇది ఏకంగా 295 కిలోమీటర్ల పొడవు, 37  కిలోమీటర్ల వెడల్పు ఉండేది. ఇక దీని బరువు 300 బిలియన్ టన్నులుగా అంచనా వేశారు. కొన్నేళ్ళకు ఇది ముక్కలైపోయింది. 

ఐస్ బెర్గ్ ను గమనిస్తే ఎక్కువ శాతం సముద్రభాగంలో ఉంటూ కొంత భాగం మాత్రమే మనకి కనిపిస్తుంది. 

ఈ ఐస్ బెర్గ్ లను ఉదాహరిస్తూ కూడా కార్పోరేట్ కంపెనీస్ లో శిక్షణ తరగతులు మనుషుల మనస్తత్వం గురించి తెలియజేయడానికి తీసుకుంటూ ఉంటారు.

నేను అటెండ్ అయిన మెజారిటీ ట్రైనింగ్ ల లో ఎక్కువ శాతం ఐస్ బెర్గ్ థియరీ ఆ ట్రైనింగ్ కి రిలేట్ చేస్తూ కోట్ చేసారు. 

ఉదాహరణకి ఈ పిక్చర్ చూడండి.


ఒక మనిషి యొక్క ప్రవర్తన (Behaviour ), ఆ వ్యక్తి యొక్క విలువలు(values ), నమ్మకాలూ (Beliefs ), వైఖరి (Attitude ),  ప్రేరణ (Motivation ) మొదలగు అంశాల మీద ఆధారపడి ఉంటుంది. 

కానీ కనిపించేది ప్రవర్తన మాత్రమే. ప్రవర్తనని నిర్దేశించిన ఈ సున్నితమైన అంశాలు అంతర్లీనంగా ఉంటాయి.

- లాస్య రామకృష్ణ 




Apr 22, 2012

హైకోర్ట్ నోటీసు - పాపం జెనిలియా


కేవలం డబ్బులు వస్తాయికదా అని ఏది పడితే దానికి బ్రాండ్ అంబాసిడర్ గా ఉండి ప్రజలు మోసపోవడానికి కారణం అవుతున్నారు కొంత మంది బ్రాండ్ అంబాసిడర్లు. They have to judge theirselves about the product for which they will be acting as a brand ambassador. ఇలాంటి కేర్ తీసుకోని జెనిలియా పాపం ఎలా బుక్కయ్యిందో చూడండి.


ఆంధ్ర ప్రదేశ్ హై కోర్ట్ జెనీలియాని ఏప్రిల్ 25 వ తారీకున కోర్ట్ కి హాజరు కమ్మని నోటిసు జారీ చేసింది. వివరాల్లోకి వెళితే,  జెనిలియా ఒక రియల్ ఎస్టేట్ కంపెనీ కి బ్రాండ్ అంబాసిడర్ గా వ్యవహరించింది. ఆమె ప్రోమోట్ చెయ్యడం వల్ల ఆ రియల్ ఎస్టేట్ కంపెనీ కి విపరీతంగా ప్రజల స్పందన లభించింది. 

నాలుగేళ్ళ క్రితం తమ దగ్గర డబ్బులు తీసుకుని కనీసం ఇప్పటికి కూడా నిర్మాణం ప్రారంభించలేదని బాధితుల ఆవేదన. బాదితులు తము జెనిలియా ప్రోమోట్ చెయ్యడం వల్లే మోసపోయామని ఆరోపిస్తున్నారు.


Apr 21, 2012

టైటానిక్ తెలుగులో తీస్తే హీరో ఎవరు...

టైటానిక్ 3d మూవీ చూసాను. చాలా బాగుంది. ఎంతైనా టైటానిక్ ఒక గొప్ప లవ్ స్టొరీ కదా.

కానీ నాకొక అలవాటు ఉంది. నేను ఏదైనా పరభాషా చిత్రాలు చూసినప్పుడు ఆ సినిమా తెలుగులో తీస్తే పాత్రధారులు ఎవరైతే బాగుంటుంది అని ఆలోచిస్తాను.

ఈ సినిమా చూసినంత సేపు కూడా అదే ఆలోచన. హీరో ఎవరైతే బాగుంటుంది, హీరోయిన్ ఎవరైతే బాగుంటుంది. ఇంకా ముఖ్యపాత్రధరులుగా ఎవరిని అడగవచ్చు అని. (అదేదో నేనే సినిమా తీసేసినట్టు)


సరదాగా కాసేపు 

మరి టైటానిక్ లాంటి సినిమా ఇప్పుడు తెలుగు లో తీస్తే, ఏ ఏ పాత్రలకు ఎవరిని మీరు సూచిస్తారు.



- లాస్య రామకృష్ణ  






Apr 15, 2012

టైటానిక్ ప్రమాదం 14 ఏళ్ళ కి ముందే ఉహించినదా!!!

టైటానిక్ ప్రమాదం జరగడానికి 14 ఏళ్ళ ముందు, అమెరికన్ రచయిత మోర్గాన్ రోబెరస్టన్ ఒక నవల రచించారు. ఆ నవల పేరు Futility - The wreck of the Titan (1898). 


ఈ నవలలోని సంఘటనలకి టైటానిక్ ప్రమాదానికి ఎన్నోపోలికలున్నాయి.

ఈ నవలలోని టైటాన్ అనే బ్రిటిష్ నౌక "నార్త్ అట్లాంటా" లో ని మంచు పర్వతాన్ని ఢీ కొని మునిగిపోతుంది. టైటానిక్ కూడా 1912 ఏప్రిల్ 14 అర్ధరాత్రి మంచు పర్వతాన్ని ఢీ కొంది.

నౌకల పేర్లు కూడా చాలా దగ్గర గా ఉన్నాయి. మోర్గాన్ నవలలోని నౌక పేరు "టైటాన్" పేరు "టైటానిక్" అనే పేరుకి దగ్గరగా ఉంది. 

టైటాన్ కూడా విలాసవంతమైన అతి పెద్ద నౌక. రాజభోగాలకు దీనికి సాటి రారెవరు. టైటానిక్ కూడా విలాసవంతమైన,అత్యాధునిక సాంకేతిక పరిజ్ఞానముతో తయారుచేయబడిన అతి పెద్ద నౌక.

టైటాన్ లో 2000 మంది ప్రయాణికులు, టైటానిక్ లో 2435 మంది ప్రయాణికులు ఉన్నారు.

టైటాన్ - 3000 మంది ని తీసుకెళ్లగలిగే కెపాసిటీ గలది. టైటానిక్ - 3745 మంది ని తీసుకెల్లగలిగే కెపాసిటీ గలది.

19 'Water tight compartments' కలిగిన టైటాన్, ఒక వేళ 9 కంపార్ట్మెంట్ లు ప్రమదవసాత్తు మునిగిపోయిన తేలగలిగే శక్తి గలది. అందుకే 24 "Life boats " ఐదు వందల మందిని తీసుకెల్లగలిగే  కెపాసిటీ గలవి మాత్రమే అందుబాటులో ఉంచుకుంది. 

అదే టైటానిక్ విషయానికి వస్తే, 16 Water tight compartments కలిగినది. 20 life boats 1266 మంది ని తీసుకు వెళ్ళగలిగే కెపాసిటీ గలవి అందుబాటులో ఉంచుకుంది.

టైటాన్ కూడా ఏప్రిల్ లో నే ప్రారంభించపడింది. 

ప్రమాదం

New York నుండి England వైపు పయనిస్తున్న టైటాన్, England నుండి Newyork వైపు పయనిస్తున్న టైటానిక్ North Atlantic లో ని మంచు పర్వతాన్ని డీ కొనే మునిగిపోయాయి.



ముందే ఉహించగలిగార లేక ఇది కేవలం Coincidence మాత్రమేనా అన్నది మాత్రం మిస్టరీ గానే మిగిలిపోయింది

 - లాస్య రామకృష్ణ  










Apr 14, 2012

టైటానిక్ ఇన్ 3D

టైటానిక్ - ఈ పేరు వినగానే మనకి మొట్టమొదటగా గుర్తుకి వచ్చేది 1997 లో విడుదలైన 'టైటానిక్' మూవీ. ఈ చిత్రానికి జేమ్స్ కామెరాన్ (James Cameron) దర్సకత్వం నిర్వహించారు. 

Leonardo Dicaprio హీరో గా నటించగా, Kates Winslet హీరోయిన్ గా నటించింది. అప్పట్లో కుర్రకారు హృదయాలని Kates Winslet  దోచుకుంది. 




ఈ సినిమా ఇప్పుడు 3d లో రిలీజ్ అయింది. ఎప్పుడెప్పుడు చూస్తానా ఈ మువీని అని ఎదురుచూస్తున్నాను. మే బీ ఇవాలో రేపో వెళ్ళొచ్చు. చూసి వచ్చాక ఈ మూవీ గురించి చెప్తాను. 

Apr 8, 2012

నాకు నచ్చిన గురజాడ గారి రచన


పుత్తడి బొమ్మా పూర్ణమ్మ 

మేలిమి బంగరు మెలతల్లారా !
కలువల కన్నుల కన్నెల్లారా !
తల్లులగన్నా పిల్లల్లారా !
విన్నారమ్మా యీ కథను ?
ఆటల పాటల పేటికలారా !
కమ్మని మాటల కొమ్మల్లారా !
అమ్మలగన్నా అమ్మల్లారా !
విన్నారమ్మా మీరీ కథను ?
కొండల నడుమను కోనొకటున్నది !
కోనకి నడుమా కొలనొకటుంది !
కొలని గట్టునా కోవెల లోపల
వెలసెను బంగరు దుర్గమ్మ.
పూజారింటను పుట్టెను చిన్నది
పుత్తడి బొమ్మా పూర్ణమ్మా,
అన్నల తమ్ముల కనుగై దుర్గకు
పూజలు పువ్వులు కోసేది.
ఏయే వేళల పూసే పువ్వుల
ఆయా వేళల అందించి
బంగరు దుర్గను భక్తితొ కొలిచెను
పుత్తడి బొమ్మా పూర్ణమ్మ.
ఏయే ఋతువుల పండే పళ్ళను
ఆయా ఋతువుల అందించి
బంగరు దుర్గను భక్తితొ కొలిచెను
పుత్తడి బొమ్మా పూర్ణమ్మ.
పళ్ళను మీరిన తీపుల నడలును
పువ్వుల మీరిన పోడుములున్
అంగము లందున అమరెను పూర్ణకు
సౌరులు మించెను నానాటన్.
కాసుకు లోనై తల్లీ తండ్రీ
నెనరూ న్యాయం విడనాడి
పుత్తడి బొమ్మను పూర్ణమ్మను వొక
ముదుసలి మొగుడుకు ముడి వేస్రీ.
ఆమని రాగా దుర్గ కొలనులో
కలకల నవ్వెను తామరలు
ఆమని రాగా దుర్గ వనములో;
కిలకిల పలికెను కీరములు.
ముద్దు నవ్వులూ మురిపెములూ మరి
పెనిమిటి గాంచిన నిమిషమున
బాసెను కన్నియ ముఖ కమలమ్మున
కన్నుల గ్రమ్మెను కన్నీరు.
ఆటల పాటల తోటి కన్నియలు
మొగుడు తాత యని కేలించ,
ఆటల పాటల కలియక పూర్ణిమ
దుర్గను చేరీ దుక్కించె
కొన్నాళ్ళకు పతి కొనిపోవచ్చెను
పుత్తడి బొమ్మను పూర్ణమను;
చీరెలు సొమ్ములు చాలగ దెచ్చెను
పుత్తడి బొమ్మకు పూర్ణమకు.
పసుపు రాసిరి బంగరు మేనికి
జలకము లాడెను పూర్ణమ్మ;
వదినెలు పూర్ణకు పరిపరి విధముల
నేర్పులు మెరసీ కై చేస్రీ.
పెద్దల కప్పుడు మొక్కెను పూర్ణమ
తల్లీ తండ్రీ దీవించ్రీ;
దీవన వింటూ పక్కున నవ్వెను
పుత్తడి బొమ్మా పూర్ణమ్మ !
చిన్నల నందర కౌగిట చేర్చుకు
కంటను బెట్టెను కన్నీరూ !
అన్నల తమ్ముల నప్పుడు పలికెను
పుత్తడి బొమ్మా పూర్ణమ్మా.
"అన్నల్లారా తమ్ముల్లారా !
అమ్మను అయ్యను కానండీ
బంగరు దుర్గను భక్తితొ కొలవం
డమ్మల కమ్మా దుర్గమ్మ.
"ఆయా వేళల పూసే పువ్వుల
ఆయా ఋతువుల పళ్ళన్నీ,
భక్తిని తెచ్చీ శక్తికి యివ్వం
డమ్మల కమ్మా దుర్గమ్మ
నలుగురు కూచుని నవ్వే వేళల
నా పేరొక తరి తలవండి;
మీమీ కన్న బిడ్డల నొకతెకు
ప్రేమను నా పేరివ్వండి."
బలబల కన్నుల కన్నీరొలికెను
పుత్తడి బొమ్మకు పూర్ణమకు
కన్నులు తుడుచుకు కలకల నవ్వెను
పుత్తడి బొమ్మా పూర్ణమ్మ.
వగచిరి వదినెలు, వగచిరి తమ్ములు
తల్లియు కంటను తడిబెట్టన్
కాసుకు లోనై అల్లుని చూసుకు
ఆనందించెను అయ్యొకడె.
యెప్పటి యట్టుల సాయంత్రమ్మున
యేరిన పువ్వులు సరిగూర్చి
సంతోషమ్మున దుర్గను కొలవను
వొంటిగ పోయెను పూర్ణమ్మ.
ఆవులు పెయ్యలు మందలు జేరెను
పిట్టలు చెట్లను గుమిగూడెన్
మింటను చుక్కలు మెరయుచు వొడమెను
యింటికి పూర్ణమ రాదాయె.
చీకటి నిండెను కొండల కోనల
మేతకు మెకములు మెసల జనెన్
దుర్గకు మెడలో హారము లమరెను
పూర్ణమ యింటికి రాదాయె.
కన్నుల కాంతులు కలవల చేరెను
మేలిమి జేరెను మేని పసల్ !
హంసల జేరెను నడకల బెడగులు
దుర్గను జేరెను పూర్ణమ్మ.

- లాస్య రామకృష్ణ 

Apr 7, 2012

డైరీ మిల్క్ vs వెడ్డింగ్ కార్డ్!!!

ఎవరైనా మీకు 'Cadbury Dairy Milk Chocolate Bar' ఇస్తే హడావిడిగా wrapper ని తీసేసి తినాలని అనుకోకండి. మోసపోతారు. ఎందుకంటే ఇప్పుడు Wedding Card ని ప్రింట్ చెయ్యడంలో చాలా సృజనాత్మకంగా ఆలోచిస్తున్నారు.

నేను అలాగే చాక్లెట్ అని భ్రమ పడ్డాను కూడా. మిరే చదవండి.

ఇటివలే మాకు తెలిసిన వాళ్ళు పెళ్ళికి పిలవడానికి వెడ్డింగ్ కార్డు తో మా ఇంటికి వచ్చారు. వాళ్ళు ఒక కవర్లో చాలా కాడ్బరీ చాక్లెట్స్ కూడా తీసుకువచ్చారు. ఆహ్వాన పత్రికతో పాటు చాక్లెట్స్ కూడా ఇస్తారేమో అని అనుకున్నాం.

తీరా చూస్తే ఆ చాక్లేటే ఆహ్వాన పత్రిక. అచ్చు చాక్లెట్ల కనిపించేటట్టు వెడ్డింగ్ కార్డు ని డిజైన్ చేసారు. ఆ కార్డు చూసినప్పుడల్లా చాక్లెట్ తినాలని మాత్రం తప్పకుండా అనిపిస్తుంది.


మా ఇంట్లో వాళ్ళు ఆ కార్డు ని నాకు కనపడకుండా దాచేసారు.






- లాస్య రామకృష్ణ 

Apr 4, 2012

ముచ్చటైన హ్యండ్ బ్యాగులు!!!

అమ్మాయిలకు అత్యవసరమైన వస్తువుగా మారి, దాదాపు కవచ కుండలం లా తయారైన వస్తువు ఏంటో చెప్పుకోండి చూద్దాం. అదేనండీ, హ్యాండ్ బ్యాగులు.

రోజుకో కొత్త ఆకృతితో ఆడవారిని ఆకట్టుకునేందుకు సిద్దమవుతున్నాయి. రక రకాల దుస్తులకి మ్యాచ్ అయ్యేలా ఎన్నో హ్యాండ్ బ్యాగ్స్ అందుబాటులోకి వస్తున్నాయి.

ఇంకెందుకాలస్యం, మీకు నచ్చిన హ్యాండ్ బ్యాగుని సెలెక్ట్ చేసేసుకోండి :-)



















Apr 1, 2012

శ్రీ రామ రామ రామేతి రమే రామే మనోరమే


శ్లో|| శ్రీ రామ రామ రామేతి రమే రామే మనోరమే |
     సహస్ర నామతత్తుల్యం రామనామ వరాననే ||

రాముడు. దేవుల్లందరిలో ఒక ప్రత్యేకత కలిగినవాడు. మానవుడు ఎలా జీవించాలి అని చెప్పినవాడు. ఉత్తముడైన రాజు, కొడుకు. అలాగే ఉత్తముడైన భర్త. ఎకపత్నీవ్రతుడు. 

రాముడు దశరధుని పుత్రుడు. అతనికి ముగ్గురు సహోదరులు, లక్ష్మన, భారత శతృజ్ఞులు. 

తండ్రి కోరిక మేరకు అడవులకి వెళ్ళడానికి కూడా వెనకాడని వాడు.

సీత కోరిక తో బంగారు జింక ను తేవడానికి బయలుదేరినవాడు.
చాకలి అన్న మాటలు విని తన భార్య సీతను అడవులకు పంపినవాడు. 

అంటే రాముడు, ఏ పరిస్తితులలో ఎలా జీవించాలో చెప్పదలచుకున్నాడా?
లేక వేరొకరి మాటల ప్రభావాలకి లొంగిపోయి అలా ప్రవర్తించడా?
అంటే ఇక్కడ ఇంకొక విషయం ప్రస్తావించుకోవాలి. మానవులకి ఎలా జీవించాలో అన్న విషయం లో స్పూర్తి అయినవాడు, పైన చెప్పిన సంఘటనలలో ప్రాక్టికల్ గా అలోచించి ఉండుంటే అసలు రామాయణమే ఉండేది కాదు. 


ఎందుకంటే ఒక సారి పరిశిలిద్దాం. 

ఒక వేళ తండ్రి మాటను ధిక్కరించి తను అడవులకు వెళ్ళకుండా ఉండుంటే, సీత బంగారు జింకని కోరి ఉండేది కాదు, తద్వారా లోకానికే ఇబ్బంది కలిగిస్తున్న రావణాసురిడిని శ్రీ రాముడు అంతరించి ఉండే వాడే కాదు.

అదే శ్రీ రాముడినిలోని గొప్పతనం. అయన చేసిన ప్రతి పని లోక కళ్యానార్ధమే.


- లాస్య రామకృష్ణ